Stephan Lipke (errusieraz: Штефан Липке; Essen, 1975eko abenduaren 31) alemaniar-errusiar elizgizon jesuita da. Novosibirskeko Antzaldatzearen elizbarrutiko apezpiku laguntzailea da 2024az geroztik.
Bizitza
Stephan Lipke Essenen jaio zen 1975eko abenduaren 31n[1]. Filosofia eta teologia ikasi zituen Bonneko Unibertsitatean eta 2000n lizentziatu zen[2]. Gainera, Koloniako apaizgaitegian eta Erromako Unibertsitate Gregoriano Pontifikalean ikasi zuen[1][3]. 2001eko ekainaren 10ean diakono ordenatu zuten, eta 2002ko ekainaren 7an apaiztu zen[2].
2006ko irailaren 24an Jesusen Lagundian hasi zuen nobiziotza. 2008ko irailaren 14an lehen botoak eman zituen[2], eta 2019ko maiatzaren 18an betiko botoak[1][3].
Koloniako eta Municheko parrokietan jardun zuen[1][4], non, besteak beste, helduei kristau-ikasbidea irakatsi zien. 2011n Tomskera bidali zuten. Han eskola katoliko batean irakatsi zuen, eta 2014tik 2017ra bertako parrokian zerbitzatu zuen[2]. 2017an, hautagai-tesia defendatu zuen Tomskeko Estatu Unibertsitateko filologia fakultatean[2][5].
2018ko apirilaren 2an, Moskuko San Tomas institutuko errektore izendatu zuten[4]. Horrez gain, Errusiako Herrien Adiskidetasunaren Unibertsitatean[1] eta San Filareto institutu ortodoxoan irakatsi du[6].
2020az geroztik, idazkari kargua du Errusiako apezpiku-konferentzia katolikoan[1].
2024ko irailaren 12an, Frantzisko aita santuak Arenako apezpiku titular eta Novosibirskeko Antzaldatzearen elizbarrutiko apezpiku laguntzaile izendatu zuen[1][3].
Erreferentziak
Kanpo estekak
