- Artikulu hau santuari buruzkoa da; beste esanahietarako, ikus «Roke».
San Roke hitzek hona dakarte. Donostiako San Roke kaleari buruzko artikulua, berriz, hau da: San Roke kalea (Donostia).
Roque Montperllierkoa (Montpellier, Mallorcako Erresuma, 1295 edo 1348/50 - Montpellier edo Voghera, 1327 edo 1376/79), okzitaniar erromesa izan zen, Erromatar Eliza Katolikoak 1584an santu izendatu zuena. Jaieguna abuztuaren 16an ospatzen da.
Alegia ugari sortu dira haren bizitzaren inguruan. Erromesaldi ugari egin bide zituen, Erromara, batez ere, eta bidean topatzen zituen legendunei laguntzen omen zien. XV. mendean zehar hedatu zen Europan santu horren gurtza. Erromesen, legendunen eta eritasun kutsakorrak dituztenen babeslea da. Hanka zauriturik eta Melanpo izeneko txakur batez lagundurik irudikatzen da.
Erreferentziak
