Oier Zearra Garabieta, pilota arloan Zearra deituraz ezaguna, (Galdakao, Bizkaia, 1977ko urtarrilaren 12a) esku huskako pilotari profesional ohia, Gorputz Hezkuntzako irakaslea eta politikaria da.
Esku huska, atzelari postuan jokatzen zuen, Asegarce enpresarekin. Bigarren mailako buruz buruko txapeldun izan zen 1998an, eta Esku Huskako Binakako Pilota Txapelketa Nagusiko txapeldunorde 2008an.[1] Estreinako partida 1997ko ekainaren 22an jokatu zuen, Eibarko Astelena pilotalekuan; profesionaletatik erretiratzeko partida, aldiz, 2011ko irailaren 10ean, Galdakaoko Kurtzea pilotalekuan.[2][3]
Gorputz Hezkuntzako lizentzia du, eta 2010/2011 ikasturteaz geroztik, gai horretako irakaslea da Lehen Hezkuntzan.[4]
Politikari gisa, Amaiur koalizioaren Arabako zerrendan aurkeztu zen Espainiako Kongresurako, 2011ko hauteskundeetan.[5]
Kirol lorpenak
Erreferentziak
- ↑ «Oier Zearrak irailean utziko du Asegarce»[Betiko hautsitako esteka], Berria, 2011-05-24.
- ↑ Iraia Oiarzabal: «Jaia eta partaidetza, biak bat Galdakaon»[Betiko hautsitako esteka], Berria, 2011-09-09.
- ↑ (Gaztelaniaz) «Oier Zearraren agurreko partida (2011-09-10) FRONTON TVn», YouTube webgunea. Bideoaren iraupena: 4' 12''.
- ↑ Ainhoa ALTUNA: «Oier Zearra, Pilotaria eta irakaslea: «Erretiroa gero eta gertuago ikusten dudanez, pilotari eta irakasle ere banaiz"»[Betiko hautsitako esteka], Berria, 2011-03-05.
- ↑ «Amaiurrek bere hautagaiak aurkeztu ditu», Amaiur koalizio politikoa, 2011-10-16.
Kanpo loturak