Lota jauregia (frantsezChâteau Lota) LapurdikoUztaritze herrian dago. Bernard Duhart eta Dominique-Rosalie Ainciondo senar-emazteek eraikiarazi zuten, 1873tik1879ra. Uztaritzeko herriko etxearen jabetzan da 1979az geroztik.
Lota jauregiaren mendebaldeko aitzindegia, erdian dorrea nabarmentzen dela.
Jatorria eta eraikuntza
Lota jauregia1873tik1879ra bitarte izan zen eraikia, Uztaritzeko herriaren gunean. Bernard (Baptiste ere deitua) Duhart eta Dominique-Rosalie Ainciondo senar-emazteek eraikiarazi zuten.[1] Sortzez uztariztarra izanik, Bernard Duhartek janari eta edari alkoholdunenesportazioko enpresa bat ezarri zuen, 1860an, Lotan (Txile), Pierre eta Charles bi anaiekin batera, Casa Duhart Hermanos.[1]
Txilen bildutako aberastasunekin,sorterrira itzultzeko zenean, jauregi hau eraikiarazi zuen, Frantzian garai hartan nagusi zen bigarren inperioaren estilora, Ameriketan izandako arrakastaren lekuko izan zedin. Familiaren jatorrizko etxeak zeuzkan lur sailetan egin zuen jauregia.[2] Eraikinaren arkitektoa nor izan zen ez da ezaguna.[3] Bernard Duhart ez zen luzaroan bizi izan jauregian, 1879ko urtarrilaren 14an hil baitzen.[3]
Lota jauregiaren mendebaldeko aitzindegiaren aurreko seinalea.
Eraikinak lauki baten oinplanoa dauka, lau solairuko garaieraz. Dekorazio neogotikoa nabarmentzen da, bereziki ekialdera begiratzen duen aitzindegi nagusian. Dorre batek hartzen du eraikinaren erdigunea, mendebaldeko aitzindegian bereziki nabarmentzen dena.
Barnean, egun oraindik gordetzen dira jatorrizko dekorazioaren elementu batzuk: ate-leihoetako zurajea, zelligeak, zoladuren zurajea, tximiniak eta abar.[4]
Jauregia Duhart familiaren jabetzapean egon zen, 1936an saldua izan zen arte. 1954an, haurren babes elkarte batek erosi eta 25 bat urtez erabili zuen xede horrekin, herriko etxeak bere ondarean sartu zuen arte, 1979an.[3]
