PROFILPELAJAR.COM

David Hockney
	; Irudi gehiago
	Ahotsa
Bizitza
Jaiotza	Bradford, 1937ko uztailaren 9a (87 urte)
Herrialdea	Ingalaterra ; Erresuma Batua
Talde etnikoa	Britainiarra
Hezkuntza
Heziketa	Royal College of Art (en) ; Bradford Grammar School (en) ; Chelsea College of Art and Design (en) ; Bradford College (en)
Hizkuntzak	ingelesa
Irakaslea(k)	Frank Lisle
Jarduerak
Jarduerak	margolaria, grabatzailea, argazkilaria, eszenografoa, marrazkilaria, ilustratzailea, litografoa, artista grafikoa, eskultorea, collagist (en) , arkitektura proiektuen marrazkilaria, gidoilaria, artista bisuala eta artista
	Parte-hartzailea 4. documenta (en) ; Documenta 6 (en) ;
Lantokia(k)	Londres; Los Angeles; Paris; Hanburgo; Bridlington eta Rumesnil
Enplegatzailea(k)	Kaliforniako Unibertsitatea Los Angelesen ; Coloradoko Unibertsitatea Boulderren ; University for the Creative Arts (en) ; Iowako Unibertsitatea
Lan nabarmenak	ikusi A Bigger Splash (en) ; American Collectors (Fred and Marcia Weisman) (en) ; A Bigger Grand Canyon (en) ; Portrait of an Artist (Pool with Two Figures) (en) ;
Jasotako sariak	ikusi Praemium Imperiale (1989) ; California Hall of Fame (2015) ; John Moores Painting Prize (1967) ; [[]] (1997) ; Companion of Honour (1997ko ekainaren 14a) ; Media Award of the German AIDS Foundation (1997) ; Critics' Circle Award for Distinguished Service to the Arts ;
Influentziak	Pablo Picasso eta Francis Bacon
Kidetza	Royal Academy of Arts; Arteen eta Zientzien Ameriketako Estatu Batuetako Akademia; Merituaren Ordena (Erresuma Batua)
Mugimendua	Hiperrealismoa; Arte garaikidea; Pop Artea; Nouveau réalisme (en)
Genero artistikoa	grafikoa; argazkigintza; paisaia margolaritza; erretratua; genero-margolana; digital art (en)
	hockney.com

David Hockney (Bradford, Ingalaterra, 1937ko uztailaren 9a) britainiar pintorea da. Londresko Royal College of Arten egin zituen ikasketak, eta britainiar Pop artisten giroan ibili zen. Irudi errealistak, zorrotzak eta argiak pintatzen ditu, pop artearen eragin nabaria dutenak. Azken urteotan Kalifornian bizi da, eta hango izadia eta giza ikuspegia ditu margogai.

Pintura eta argazkigintza tartekatu izan ditu bere lanean. Hasieran, Hockney Pop Artean jardun zuen, baina pixkanaka-pixkanaka kontsumoko objektuak irudikatzeari utzi eta ikuspegia, etxeak eta batez ere igerilekuak pintatzen hasi zen, igerilekuak baitira gehien landu duen gaietako bat. Aldaketa hori Los Angelesen gorpuztu zuen, han bizi izan baitzen 1963tik 1967ra. 1970etik aurrera, Hockneyk zeharo baztertu zuen Pop Art joera. Grabatu, marrazki eta argazki autobiografikoak egin zituen batez ere. Bere koadroetako pertsonaiak antzerki gisako dekoratu batean ezartzen dira, umorez eta urruntasunez begiratuta. Erretratu asko egin du, estilo klasikoan (Peter Schlesinger, 1967; Celia, suite, 1972-73). Antzerkirako dekoratuak eta jantziak ere egin ditu ugari. Eta 1980az geroztik gogotik ari da argazkigintzan, Polaroid argazkiekin kubismoaren kutsuko collage handiak eginez.

Azken urteotan Yorkshireko basoetako zuhaitzak erakusten dituzten serie ugariak egin ditu, hainbat teknika erabiliz (bideoa, oihalaren gaineko olio-margolanak, ikatza, akuarela, iPad...).

Erreferentziak

Wikimedia Commonsen badira fitxategi gehiago, gai hau dutenak: David Hockney

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.