La Z 1500 (SNCF) (kromnomitaj « Standard ») estas malnovaj elektrotrajnoj de antaŭurbaj trajnoj de "Administration des chemins de fer de l'État" (franca ŝtata fervojo) menditaj en 1929. Transiritaj al SNCF en 1938 kaj elservigitaj en 1985, ili priservis fervojliniojn de la okcidento de Parizo.
Priskribo
Skemo
Unuo de elektrotrajno Z 1500 konsistis el motor-vagono plus pasaĝer-vagono. La motor-vagono enhavis grandan stirejon, pakaĵujon kaj 58 dua-klasajn sidlokojn, dum la pasaĝer-vagono enhavis malgrandan stirejon, 44 dua-klasajn kaj 28 unua-klasajn sidlokojn. Ili povis veturi en multoblaj unuoj de 3 aŭ 4.
