La Trajnlinio Le Locle - Les Brenets (Svislando) startas en la ĉefstacidomo de la urbo Le Locle SBB CFF FFS. Tra tri tuneloj ĝi gvidas al Les Brenets. Ĝi havas nomon: LE REGIONAL. La suma longeco estas 4,1 km.
Fervojo havas traklarĝon de 1000 mm (metra ŝpuro). La mastruma kompanio nomiĝas TransN, kiu mastrumas ĉiujn liniojn en la kantono Neŭŝatelo, ĉu trajnojn, ĉu tramojn, ĉu busojn.
Fondo de la linio okazis en 1890. La trajnoj funkcias per elektro ekde 1950.
En la vilaĝo Les Brenets apud la stacidomo vidiĝas malnova vaporlokomotivo nomita Le Père Frédéric.
Asocio por la Evoluigo de la Linio LE REGIONAL fondiĝis la 10-an de septembro 2013. Ĝi grupigas stirantojn, uzantojn, politikistojn, riparistojn, emeritojn, kiuj zorgis profesie pri la linio. Ekde la fondo ĝia prezidanto estas Mireille Grosjean.
