La Teminka kormorano havas nigran korpon kun blankaj ĉefe gorĝo kaj ankaŭ foje vangoj kaj parte flaveca beko pli griza en supra bordo. Ties supra makzelo estas iom hokoforma pinte. La nuda senpluma brido estas flaveca kaj rimarkindas foje ĉefe sub kaj eĉ trans la okulo. La okuliriso estas blua.
Ĝi estas unu el la specioj de kormoranoj kiuj estis aldomigitaj fare de fiŝkaptistoj por la tradicio konata en japana kiel ukai (鵜飼). Ĝi nomiĝas umiu (ウミウ mar kormorana) en japana. La tre konataj fiŝkaptistoj de la rivero Nagara laboras per tiu partikulara specio por kapti la fiŝojn plekoglosojn.[1]
Kiel ĉe aliaj kormoranoj, ili fiŝkaptas per plonĝado atingante grandan profundon danke al la nekontraŭakva plumaro. Pro tio post plonĝado la birdoj devas malfermi siajn flugilojn por sekigadi ilin. Kiel ĉe aliaj kormoranoj, tiuj naĝas havante la korpon subakve kaj tiele videblas nur la kolo kaj la kapo.
