Romans-sur-Isère
komunumo
komunumo en Francio vd
Blazono
Administrado
Regiono	Aŭvernjo-Rodano-Alpoj
Departemento	Drôme
Arondismento	Valence
Kantono	Bourg-de-Péage, Romans-sur-Isère
Ĝemelurboj Zadar (1985–) Straubing (1971–) Beit Sahour Varese vd
INSEE kodo	26281 [+]
Poŝtkodo	26100
En TTT	Oficiala retejo [+]
Demografio
Loĝantaro	33 139  (2022) [+]
Loĝdenso	1 002 loĝ./km²
Geografio
Geografia situo	45° 3′ N, 5° 3′ O (mapo)45.0455555555565.0508333333333Koordinatoj: 45° 3′ N, 5° 3′ O (mapo) [+]
Alto	167 m [+]
Areo	33,08 km² (3 308 ha) [+]
Horzono	UTC+01:00 [+]
DEC Situo de Romans-sur-Isère
DEC Situo de Romans-sur-Isère
Alia projekto
Vikimedia Komunejo Romans-sur-Isère [+]
v • d • r

Romans-sur-Isère (franca elparolo: [ʁomɑ̃ syʁ izɛʁ], okcitane: Rumans d’Isèra) estas komunumo de Francio. Ĝi situas en la departemento Drôme, okcitane Droma, kaj en la pli vasta regiono Aŭvernjo-Rodano-Alpoj (france Auvergne-Rhône-Alpes, okcitane Auvèrnhe Ròse Aups). Ene de la departemento, la komunumo apartenas al la arondismento Valence kaj ekde la fino de marto 2015 al la du kantonoj Bourg-de-Péage kaj Romans-sur-Isère - antaŭe la urbo estis la centro de malnovaj kantono Romans-sur-Isère-1 kaj 2. Ĝi havis 33 701 loĝantojn en la jaro 2012^[1], kaj fine de 2022 en la komunumo vivis 33 139 loĝantoj sur areo de 33,08 kvadrataj kilometroj, kio rezultigas loĝdenson de 1 002 loĝantoj/km². La teritorio havas komunan limon kun la najbaraj komunumoj Mours-Saint-Eusèbe, Bourg-de-Péage, Châteauneuf-sur-Isère, Chatuzange-le-Goubet, Génissieux, Peyrins, Saint-Bardoux, Saint-Paul-lès-Romans kaj Granges-les-Beaumont.

Romans-sur-Isère situas ĉe la rivero Isère, 17 km nordoriente de Valence.

Ĉirkaŭ Romans-sur-Isère

Saint-Bardoux	Mours-Saint-Eusèbe, Peyrins	Génissieux
Granges-les-Beaumont		Saint-Paul-lès-Romans
Châteauneuf-sur-Isère	Bourg-de-Péage	Chatuzange-le-Goubet

En la komunumo vivis la esperantisto Jean Asquéri (1911-1971). Oficisto en granda ŝufabriko de Romans kaj fraŭlo, li dediĉis sian tutan vivon al la Esperanto-movado. En 1937 li trapasis la Ateston pri Lernado, kaj sekve partoprenis la organizadon de la Nacia Esperanto-Kongreso en Romans, kiu okazis en junio 1938. De 1943 ĝis sia morto en 1971, li unue kiel sekretario, poste kiel prezidanto, estris la Esperanto-klubon "Bona Stelo" de Romans. Sukcese li gvidis kursojn, organizis "Internaciajn semajnojn" en Romans, kaj ofte partoprenis en la Universalaj Kongresoj de UEA. Li honoriĝis Kavaliro, poste Oficiro de la Akademiaj Palmoj, pro lia agado pri popola edukado.

Nun en la komunumo ekzistas aktiva loka Esperanto-klubo, membro de la Rodanalpa Esperanto-Federacio, kiu regule okazigas lingvokursojn.

• Komunumoj de Drôme
• Listo de urboj de Francio
• Romans - Bourg-de-Péage (stacidomo)

• Oficiala retejo

Ĉi tiu artikolo ankoraŭ estas ĝermo pri Francio. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).