La Reĝa Nederlanda Futbala Asocio, nederlande Koninklijke Nederlandse Voetbal Bond (KNVB), prononco [KOŬninglejke NEderlandse FUTbalbont], estas la nacia futbala asocio en Nederlando, unuavice federacio de la landaj futbalkluboj. Ĝi estas la landa asocio de la Federacio Internacia de Futbalo Asocia aŭ mallonge FIFA kaj de la Unio de Eŭropaj Futbal-Asocioj aŭ mallonge UEFA, kaj fondiĝis en 1889. La asocio interalie ekde la jaro 1956 organizas ĉampionecon en la plej alta ligo de klubaj teamoj el viraj, plenaĝaj, profesiaj futbalistoj de la lando, nomata nederlande Eredivisie, "honora divizio". La ĉampiono en 2023 estas la klubo Feyenoord Rotterdam, sed sume plej ofte en la historio ĉampionis la klubo AFC Ajax Amsterdam - laŭ la stato de 2023 entute 36-foje.
Naciaj teamoj
![]()
la nederlanda teamo antaŭ la unua internacia matĉo en aprilo 1905 - prepare al la
Olimpiko 1908, kie la teamo atingis bronzan medalon
