Ĝi estas simila al la Aŭstralazia marĉocirkuo, el kiu distingiĝas per grizaj supraj partoj, helbruna vizaĝo (ĉirkaŭa zono ĉe orelareo) kaj malhela pugo. Ties enverguro gamas el 375 al 470 mm, kaj la inoj estas pli grandaj. La flugilpintoj estas nigrecaj post blankeca flugilareo. La suba korpo estas tre punkteca (aŭ strieca videble dumfluge), de kio venas la komuna nomo. La kruroj estas flavaj kaj pendas dumfluge.
Distribuado kaj habitato
La Punktocirkuo troviĝas en Sulaveso kaj la Malgrandaj Sundoj kaj estas dise distribuata tra kontinenta Aŭstralio. Ĝi loĝas en malferma kamparo, ĉefe en aridaj kaj duonaridaj regionoj.
Kutimaro
Reproduktado
Tiu specio kutime nestumas en arboj, kie konstruas platformon el bastonetoj kovritaj per verdaj folioj; la ino demetas 2–4 ovojn. La kovada periodo duaxras ĉirkaŭ 33 tagojn, kaj la idoj elnestiĝas ĉirkaŭ 37 tagojn post eloviĝo.
BirdLife International. (2006). Species factsheet: Circus assimilis. Downloaded from http://www.birdlife.org on 4/12/2006
Marchant, S.; & Higgins, P.J. (Eds). Handbook of Australian, New Zealand and Antarctic Birds. Vol,2: Raptors to Lapwings. Oxford University Press: Melbourne. ISBN 0-19-553069-1
