En la loko, krom la hispanan, oni parolis variaĵon de la aragona lingvo uzitan en la Pireneoj.
Geografio
Ĝia municipa teritorio estas en la nordo de la komarko Sobrarbe, lime norde kun Bielsa, okcidente kun Fanlo, sude kun Labuerda kaj oriente kun El Pueyo de Araguás, Laspuña kaj Tella-Sin. Krom la loĝloko Puértolas mem, la municipo enhavas ankaŭ la loĝlokojn Belsierre, Bestué, Escalona, Escuaín, Huertas de Muro, Muro de Bellós, Puyarruego, Santa Justa, Santa María kaj Bies.
La loĝloko Puértolas mem (1 160 msm)[1] estas je 118 km nordoriente de Huesca, alirebla laŭ la ŝoseo A-138 inter Francio norde tra la Tunelo de Bielsa-Aragnouet kaj Aínsa suden. La loĝloko estas tipa domaro karaktera de montaro ĉe Pireneoj, kun tre deklivaj ardezaj tegmentoj kaj konustrunkaj kamenoj.
Historio
Puértolas.
Puértolas estas mezepoka setlejo. Ĝia gravo per brutobredado dependis de la paŝtejoj. Dum la 17-a jarcento Puértolas floris.
Dum la Hispana Enlanda Milito la loĝloko estis damaĝita pro operacoj kadre de la epizodo nomita de la Bolsa de Bielsa en majo kaj junio 1938, dum la respublikanoj rezistis kontraŭ duoble multnombraj fortoj; finfine ili povis pasi al Francio. Posu la militfino oni rekonstruis la loĝlokon.
Multaj loĝlokoj de la areo perdis loĝantaron laŭlonge de la 20-a jarcento pro rura elmigrado, kaj same ĉe Puértolas mem kie oni malaltiĝis ĝis nunaj 216 loĝantoj (2022).[2]
Aktualo
La loka ekonomio evoluis el la tradiciaj montaraj agrikulturo kaj brutobredado (ŝafoj, kaj ĉefe bovoj) al forstado, natura, sporta, kultura kaj rura turismo.
Ĉefaj vidindaĵoj estas la preĝejo kaj naturaj lokoj.
