La Ponto de Avinjono (france Pont d'Avignon), ankaŭ konata kiel Pont St-Bénézet, estas fama ponto de la Mezepoko sur la rivero Rodano; ĝi transiris ekde la urbo Avinjono ĝis Villeneuve-lès-Avignon, en la sudo de Francio. Ĝi estas Monda heredaĵo de Unesko ekde 1995, kune kun la Palaco de la Papoj, la Katedralo kaj la Palaceto, krom la antikvaj muregoj de la urbo. Ĝi reprezentas la teknikan disvolviĝon atingita en la 12-a jarcento, kaj estas fame konata pro franca kanto Sur le pont d'Avignon.
En la komenco ĝi transiris la riveron Rodano inter Avinjono kaj Villeneuve-lès-Avignon en la maldekstra bordo. Ĝi estis konstruita inter 1171 kaj 1185, el ĉirkaŭ 900 metroj.
Nuntempe nur restas kvar el la tiamaj dudek du arkoj. Sur unu el ili ekzistas malgranda kapelo romanika, dediĉita al sankta Nikolao, patrono de la navigistoj de la rivero Rodano.
