P. M. MABESOONE (naskiĝis en 1901, mortis la 13-an de majo 1996 en Harderwijk, Nederlando) estis nederlanda esperantisto. Ekde 1930 li plenumis dum multaj jaroj diversajn estrarajn taskojn en la tiama landa asocio La Estonto Estas Nia (LEEN), kies honora membro li iĝis en 1946. Komitatano de UEA inter 1953 kaj 1958, li oficis kiel ties estrarano pri financoj kaj administrado (1955-1957), kaj kiel vicprezidanto (1956-1957). Lia nomo estas ligita al la Mabesoone-fonduso, kiu subvencias gravajn agadojn en Nederlando. Li geedziĝis en Hilversum la 8-an de decembro 1951 kun Suus Mabesoone-Visser.
