La Ortodoksa Preĝejo al la Sankta Spirito kaj konstruata sonorilturo
La Ortodoksa preĝejo al la Sankta Spirito en Bjalistoko troviĝas en la kvartalo Wysoki Stoczek. Ĝi estas la plej granda ortodoksa preĝejo en Pollando kaj unu el la plej grandaj en Eŭropo. Ĝian konstruon oni komencis en 1982 kaj celebris en 1999. La preĝejo estas projektita de Jan Kabac laŭ la 16-jarcenta moskva stilo.
Ĝiaj dimensioj estas:
longeco: 55 metroj
larĝeco: 38 metroj
alteco: 50 metroj.
La preĝejo povas enhavi 2500 kredantojn. Ĝi havas 5 kuprajn kupolojn - la ĉefa 23-metra (kun granda, pli ol sepmetra kruco surpinte) kaj 4 malpli grandaj flankaj kupoloj. Antaŭ la preĝejo estas konstruata 70-metra sonorilturo.
