La norvega nacia teamo de futbalo estas la landa vira futbalista teamo de la Reĝlando Norvegio. Aparte de tio kompreneble ankaŭ ekzistas virina nacia teamo de futbalo.
La prezentoj de Norvegio en internaciaj futbalaj ĉampionadoj kutime estis pli malfortaj ol tiuj de siaj skandinavaj najbaroj Svedio kaj Danio, sed ili havis oran epokon en la malfruaj 1930-aj jaroj. Olimpika teamo atingis trian lokon en la Somera Olimpiko 1936, post venkado de la gastiganta germana teamo pli frue en la turniro. Norvegio ankaŭ kvalifikiĝis por la Futbala Mondpokalo 1938, kie la teamo perdis 2-1 post kromtempo kontraŭ la finaj ĉampionoj, la itala teamo. Tio estis la lasta Mondpokala finalapero de Norvegio en 56 jaroj.
En la postmilitaj jaroj, ĝis kaj inkluzive de la 1980-aj jaroj, Norvegio estis kutime konsiderita unu el la pli malfortaj teamoj en Eŭropo. Ili neniam kvalifikiĝis por Monda Pokalo aŭ Eŭropa Ĉampioneco en tiu periodo, kaj kutime finiĝis proksime de la fundo de sia kompetentiga grupo. Tamen, Norvegio havis reputacion por produktado de fojaj tre surprizaj rezultoj, kiel ekzemple la 3-0 venko kontraŭ Jugoslavio en 1965, la 1-0 eksterhejma venko kontraŭ la franca teamo en 1968, kaj la 2-1 venko kontraŭ Anglio en 1981.
La teamo havis sian plej sukcesan periodon de 1990 ĝis 1998 sub la legenda trejnisto Egil "Drillo" Olsen. Ĉe la pinto de sukceso meze de la 1990-aj jaroj la teamo estis vicigita numero 2-a tutmonde. La sukcesa periodo komenciĝis per 6-1 hejma venko kontraŭ Kamerunio la 31an de oktobro 1990 kaj finiĝis la 27-an de junio 1998 post 0-1 malvenko kontraŭ la itala teamo en la dua etapo de la Futbala Mondpokalo 1998.
