La nombro de Reynolds estas sendimensia nombro uzata en fluaĵa dinamiko por karakterizi la movadon de fluidoj.

Ĉi tiu nombro ricevas sian nomon honorige al Osborne Reynolds (1842-1912), kiu enkondukis ĝin en 1883. Ĝia difin-ekvacio estas:

${\displaystyle {\mathit {Re}}={\rho v_{s}L \over \mu }}$

kie:

${\displaystyle \rho }$: fluaĵa denseco

${\displaystyle v_{s}}$: karaktera rapido de la problemo (ekz., se la problemo temas pri movado de sfero tra fluaĵo, ${\displaystyle v_{s}}$ povus esti la relativa rapido inter sfero kaj fluaĵo)

${\displaystyle L}$: karaktera longo de la problemo (en la antaŭa ekzemplo, ${\displaystyle L}$ povus esti la sfera diametro)

${\displaystyle \mu }$: fluaĵa malflueco

Notu, ke oni povas skribi la nombron de Reynolds jene:

${\displaystyle {\mathit {Re}}={{(\rho v_{s}^{2})}L^{2} \over {\mu v_{s} \over L}L^{2}}={\frac {{\mbox{kinetika premo}}\times {\mbox{surfaco}}}{{\mbox{viskozeca tensio}}\times {\mbox{surfaco}}}}={\frac {\mbox{inerteca forto}}{\mbox{viskozeca forto}}}}$

kaj, do, se Re >> 1 inertfortoj superregas, kaj se Re << 1 estas viskozecfortoj la superregantaj en la problemo.