Nacia Parko Monto Kenja, establita en 1949, protektas la regionon ĉirkaŭ Monto Kenja. Kun la arbara rezervejo ĉirkaŭe, ĝi konsistigas eron de la Monda heredaĵo de Unesko establita kiel biosferarezervejo en 1978 kaj kiel heredaĵa situo en 1997. La nacia parko havas areon de 715 km2, plejparte super nivelo de 3 000 metroj. La situo de monda heredaĵo, kiu inkluzivas ankaŭ la arbaran rezervejon, kovras entute areon de 1 420 km2.[1]
La registaro de Kenjo establis la parkon pro kvar kialoj: 1) la graveco de turismo por la loka kaj landa ekonomioj; 2) por konservi regionon de granda natura beleco; 3) por konservi la biodiversecon de la tereno; kaj 4) por protekti la akvoprovizon por la regiono ĉirkaŭa.[2]
