Monto Tokaj estas nomdonanto de vinregiono de Tokaj, tial vitoj etendiĝas ĉe la montopiedo. Pli supre arbaro aŭ herbejo situas. La plej supre oni konstruis televizian turon en 1960. Sur la norda deklivo 600 metrojn longa skiejo kun skilifto funkcias, kiam estas neĝo. En la monto oni minadis iam bazalton, en tiuj lokoj kreiĝis 2 lagoj. Oni profitas la unuan lagon por banado, la alia estas nevizitebla (protektata) kaj apartenas al Nacia parko.
