Migra ŝtonego en Poruba estas la dua plej granda migra ŝtonego kun absolute la plej longa akso en Ĉeĥio. Ties pezo estas 11 tunoj. Ĝi troviĝas en strato Vřesinská en ostrava urboparto Poruba. Ĝi estis levita en la jaro 1928 el rojujo de rojo en Poruba. Ĝi estas kreita de rozkolora mineralo de granita karaktero kun okulfrapaj nigraj makuloj de malhelaj mineraloj priskribata kiel vulgargrajna porfiria granito, kies strukturo estas porfiria. En la ŝtonego ni trovos elkreskaĵojn de rozaj kaliaj feldspatoj kun grandeco 1–2 cm, plu plagioklason, erigitan kvarcon, biotiton en plilongigitaj aroj, magnetiton, apatiton, titaniton kaj maldense epidoton.
Eksteraj ligiloj
