La Metroo de Lisbono estas unu el la urbaj transportiloj plej allogaj kaj belaj de Eŭropo, kune kun la metrooj de Parizo kaj Moskvo, laŭ la arkitektura stilo, dekoraciado kaj ekspozicioj en la plimulto de la metrostacioj. En Portugalio ĝi estas konsiderata kiel unu el la plej bonaj projektoj artisme ellaborata.
Ĝi havas 48 metrostaciojn en kvar linioj: gaivota (mevo), girassol (sunfloro), caravela (karavelo) kaj oriente (oriento), kiu entute estas preskaŭ 37 km.
La metrosistemo de Lisbono estis inaŭgurita la 29-a de decembro1959, kiam ĝi nur havis metrolinion similan al Y, kiu komunikis Sete Rios (hodiaŭ Jardim Zoológico) kun Entrecampos. La longeco en tiu komenca periodo estis nur 6,5 km.
Poste ĝi estis pligrandigata: en 1972 finiĝis la ampleksiĝo kiu estis de Restauradores ĝis Alvalade. En 1988 inaŭguriĝis novaj konektiloj al la Cidade Universitária kaj al la Colégio Militar - Luz. Dek jaroj pli malfrue, en 1998, metrolinio tute nova, Oriento, komunikis Alameda-n kun la zono de la Expo'98, tutmonda ekspozicio kiu okazis en la nordorienta zono de la urbo.
