En fiziko, masenergia ekvivalento estas la rilato inter maso kaj energio en la ripoza kadro de sistemo, kie la du valoroj diferencas nur per konstanto kaj la mezurunuoj. La principon priskribis la fama formulo de la fizikisto Albert Einstein: ${\displaystyle E=mc^{2}}$. La formulo difinas la energion ${\displaystyle E}$ de partiklo en ĝia ripoza kadro kiel la produto de maso (${\displaystyle m}$) kun la kvadratita lumrapido (${\displaystyle c^{2}}$). La principo estas fundamenta por multaj kampoj de fiziko, inkluzive de nuklea kaj partikla fiziko.

La masenergia ekvivalento asertas, ke ĉiuj objektoj kun maso havas korespondan internan energion, eĉ kiam ili senmovas. En la ripoza kadro de objekto, kie laŭ difino ĝi estas senmova kaj do ne havas movokvanton, la maso kaj energio ekvivalentas kaj diferencas nur per konstanto, la kvadratita lumrapido (${\displaystyle c^{2}}$).^[1]