La Madagaskara akcipitro (Accipiter madagascariensis) estas taga rabobirdo el familio de Akcipitredoj kiu inkludas ankaŭ multajn aliajn tagajn rabobirdojn kiel agloj, buteoj kaj cirkuoj.
Temas pri akcipitro kun tre malhelbrunaj kapo kaj supraj partoj. En kapo elstaras flavaj irisoj kaj vaksaĵo, dum la beko estas malhelgriza kun nigra pinto. En la hela gorĝo videblas nigreca centra vertikala strio. La subaj partoj kaj subflugiloj estas tre striecaj malhelbrune al nigrece super blankeca fono. La suba pugo estas blankeca kaj la subvosto strieca. La kruroj estas flavaj.
Ĝi estas endemia de Madagaskaro. Ties natura habitato estas subtropikaj aŭ tropikaj sekaj arbaroj, humidaj arbaroj de malaltaj teroj, humidaj montararbaroj, sekaj savanoj kaj sekaj arbustaroj.
Ĝi estas minacata pro habitatoperdo.
Ĝi povas formi superspecion kun la Nizo (A. nisus) kaj la Ruĝecbrusta akcipitro (A. rufiventris) (Ferguson-Lees kaj Christie 2001).
Referencoj
- Ferguson-Lees, James kaj David A. Christie (2001) Raptors of the World. Christopher Helm, London. pp. 578–581. ISBN 0-7136-8026-1
