Maadi aŭ al-Ma'ad (arabeالمعادى) estas prospera, verda antaŭurbo sude de Kairo en Egiptio ĉe la orienta bordo de Nilo ĉ. dek du km kontraŭrivere de la centro de Kairo [1]. Nilo ĉe Maadi estas paralela de Corniche, kun marborda promeno kaj ĉefŝoseo norde en centran Kairon. Ne estas ponto super Nilo ĉe Maadi; la plej proksima estas ĉe El Mounib laŭ la ringa vojo (Tariq al-Da'iri) sur la vojo norden.
Laŭ la stato de 2024 en la urbo vivis 95 675 loĝantoj[2].
La distrikto estas populara kaj altiris multajn internaciajn figurojn el eksterlando, same kiel riĉajn egiptojn, kaj ankaŭ estas hejmo de granda nombro da ambasadoj, same kiel internaciaj lernejoj, sportaj kluboj, kulturaj institucioj. La Supera Kortumo, la Konstitucia Tribunalo de Egiptio kaj la Nacia Egipta Geologia Muzeo situas ĉi tie. Maadi estas konsiderita la plej malnova kupra minurbo de la mondo de 3300 a.K.
