La Longflugila cirkuo aŭ Bufona cirkuo (Circus buffoni) estas neotropisa rabobirdo de la subfamilio de cirkuoj kaj familio de Akcipitredoj.
Disvastiĝo kaj vivejo
Ĝi troviĝas kiel indiĝena specio en Sudameriko, nome en Argentino, Bolivio, Brazilo, Ĉilio, Kolombio, Falklandoj aŭ Malvinoj, Gujanoj, Paragvajo, Trinidado kaj Tobago, Urugvajo, kaj Venezuelo.
Ties natura vivejo estas seka savano, subtropikaj aŭ tropikaj laŭsezone humidaj aŭ inunditaj herbejoj de malaltaj teroj, marĉoj, kaj tre degraditaj iamaj arbaroj.
Aspekto
Temas pri cirkuo tre malhelbruna kun rimarkinda kapobildo konsista je malhelbrunaj krono kaj elokula strio kontraste kun helbruna aŭ sablokolora vizaĝo. La beko estas tre hokoforma, helgriza baze kaj malhelgriza pinte. La kruroj estas flavaj kaj pendas dumfluge, kiam subaj partoj videblas klare kontraste kun malhelbrunaj suba korpo, vostobazo kaj akzelaj kontraŭ blanka resto kun markoj nome nigreca malantaŭa bordo de flugiloj, pintoj de flugilplumoj kaj fina vostozono krom aliaj du pli mallarĝaj vostostrioj; krome estas tre fajnaj kaj mallarĝaj strioj en blanka areo de flugilplumoj.
Referencoj
