Ĉi tiu artikolo havas multe tro da ruĝaj ligiloj, por kiuj ekde multaj jaroj ne estas artikoloj.
Bonvolu revizii la ligilojn, krei artikolojn kie la redakta energio tion permesas, kaj la restajn ruĝajn ligilojn transformi al simpla teksto: se iu iam tamen faros tekston de tiuj temoj, oni ĉiam povas remeti internan ligilon, tiam tuj bluan.
La nomo de la komunumo eble venas de la pastro Labat, de la nebuleto konsistigita de vaporiĝo super marĉa grundo, kiun oni nomis « mortula littuko de la savanoj ».
Situo
Ruĝa la komunuma teritorio de Les Abymes.
La komunumo Les Abymes estas la plej loĝata el la 32 komunumoj en la departemento Gvadelupo, okcidente de Grande-Terre. Ĝi estas integrita en la urbeca areo Pointe-à-Pitre.
La klimato estas tropika.
Lokoj kaj domgrupoj
La diversaj lokoj de Les Abymes estas : Bauzon, Baimbridge, Bazin, Beau-Soleil, Besson, Boisripeaux, Boisvin, Boisvinière, Boricaud, Bouliqui, Caduc, Caraque, Céligny, Chauvel, Chazeau, Coma, David, Deravinières, Doubs, Dugazon, Gaoza, Grand-Camp, Léonie, Masselas, Morne-Fleuri, Nérée, Papin, Petit-Pérou, Pointe-de Or, Quatre-Chemins, Le Raizet.
La teritorio estis loĝata en la prakolumbaj periodoj. kelkaj restaĵoj estis malkovritaj en la areo de Dothémare, sed la plej rimarkinda loĝareo estas tiu de Belle Plaine kie esploroj faritaj de la regiona direkcio pri kulturaj aferoj (DRAC) en 2006 malkaŝis ekziston de sufiĉe grava vilaĝo datiĝanta inter 1000 kaj 1200 post Kristo.
La 1-a loĝejgrupo, situanta je kelkaj kilometroj de la centro de la nuna komunumaro estis fondita en 1691. Ĝi konsistas el kelkaj domoj kaj konis malgrandan kreskon dank'al kultivoj de sukerkano, kakao, kaj kafo. Les Abymes estis saltigitaj al paroĥo en 1726.
La ĉefa ekonomia agado de Les Abymes estas ligita al la flughaveno "Gvadelupo - Pôle Caraïbes", malnova flughaveno Raizet. La sidejo de Air Caraïbes estas en les Abymes[1].
Monumentoj kaj turismaj lokoj
La preĝejo Immaculée-Conception kaj la hindua templo.
Diversaj elemento de la civila kaj religia heredaĵo estis konstruitaj de la arkitekto Ali Tur inter 1930 kaj 1932 el kiuj : la urbodomo, la bazarhalo, la lernejaro, la altaro de la preĝejo[2]
Monumento Abymes, Terre de convergence, ĉe la urba enirejo, atestas pri la akcepto de la diversaj etnoj vivantaj sur la insulo.
La mulatino Solitude (1772-1802), statuo starigita en 1999 en la kvartalo Baimbridge, omaĝe al tiu rezistantino kontraŭ sklaveco, ŝuldata al la skulptisto Jacky Poulier.
Statuo de Nelson Mandela, starigita en 2014 ĉe la rondirejo Petit-Pérou, omaĝe al la prezidanto de Sudafriko, ŝuldata al la skulptisto Jean Moisa[3].
