La loĝloko Langa del Castillo mem estas je 78 km sudokcidente de Zaragozo, provinca kaj regiona ĉefurbo, je 756 msm, borde la rivero Jiloca inter Murero apude nordokcidente kaj Daroca sudokcidente.
Historio
La kastelo.
La areo estis konkerita el islamanoj en la 12-a jarcento. La plej frua mencio de Langa datiĝas de 1131, kaj estis citita kiel teritorio en la foruo de Calatayud. Ĝi apartenis poste al la Komunumo de Domaroj de Daroca. En 1248, per privilegio havigita de Jakobo la 1-a, la loko sendependiĝis de Daroca, kaj ekestis parton de Sesma de Langa en la Komunumo de Domaroj de Daroca, kiu pluis ĝis 1838. La Sesma de Langa estis komponita de Badules, Cariñena, Cosuenda, Cucalón, Langa, Lechón, Mainar, Romanos, Torralbilla, Villadoz, Villahermosa kaj Villarreal. Tiukadre Langa havis kastelon en la Mezepoko; ĝi estis tre etenda sur altebenaĵo anstataŭ sur monto, kiel ĉe aliaj en la zono. El tiu restas nur du cilindraj turoj, unu ortangula ĉefturo kaj fragmentoj de murego.
Preskaŭ ĉiuj loĝlokoj de la areo perdis loĝantaron laŭlonge de la 20-a jarcento kaj same en Langa del Castillo kie oni malaltiĝis ĝis nunaj 116 loĝantoj. Evidente elmigrado foriris al industriaj areoj kiel Zaragozo, Daroko kaj Karinjeno.
Aktualo
Bazo de ekonomio nun estas agrikulturo (cerealoj, olivarboj kaj vitejoj), forstado kaj brutobredado (kortobirdoj, ŝafoj kaj porkoj) kaj sekva nutrindustrio (vinproduktado). Nune gravas ankaŭ natura, kultura kaj rura turismo. Inter nunaj vidindaĵoj menciindas la preĝejo kaj la kastelo.
