La hora de los valientes ("la horo de la bravuloj"), ankaŭ prezentita je angla titolo A Time for Defiance ("tempo de defio") estas hispana filmo reĝisorita en 1998 de Antonio Mercero.
Intrigo
Averto: La teksto, kiu sekvas, malkaŝas detalojn pri la intrigo de la rakonto.
Manuel (Gabino Diego) estas juna anarkiisto entuziasma de pentraĵoj. Li laboras kiel zorgisto kaj gvidisto en la Muzeo Prado. Kiam startas la Hispana Enlanda Milito en 1936, la registaro de la Dua Hispana Respubliko, pere de sia institucio la Junta Central del Tesoro Artístico, decidas translokigi la artaĵojn de la Muzeo Prado de Madrido al Valencio kaj eksterlanden. Manuel sukcesis savi forgesitan malgrandformatan memportreton de Francisco de Goya (en la bildo). La agado de la filmo okazas en la respublika Madrido sieĝita de la malamiko: bombardado, malsatego, pridemandado, malcerteco ktp. Dume Manuel klopodas malsukcese redoni la pentraĵon al la aŭtoritatoj. Finfine la frankistoj sukcesas eniri en la ĉefurbo kaj persekutas Manuel. Lia preferita pentraĵo estis La tria de majo.[1]
Averto: Malkaŝado de la intrigo de la rakonto ĉi tie finiĝas.
Geaktoroj kaj roluloj
Premioj
La filmo ricevis ses Goja-premiojn en 1998, inter kiuj tiuj de la plej bonkvalitaj aktoro kaj aktorino al Leonor Watling kaj al Gabino Diego.
Notoj
