La Celestina estas hispana filmo de 1996 reĝisorita de Gerardo Vera kun ĉefaktoroj Penélope Cruz, Terele Pávez, Juan Diego Botto, Jordi Molla, Nancho Novo kaj Maribel Verdú. Ĝi estas bazita sur la samnoma klasika teatraĵo de la historio de la hispana literaturo, nome de Fernando de Rojas.
Intrigo
Averto: La teksto, kiu sekvas, malkaŝas detalojn pri la intrigo de la rakonto.
Calisto, juna kaj impulsiva riĉulo, estas enamiĝinta de Melibea, junulino de altnivela familio kiun ŝiaj gepatroj planas konvene kaj tuje edzinigi. Li tiel ekscitiĝas ke li akceptas la sugeston uzi la peradon de profesiulino, sorĉistino kaj eksprostituitino, nome La Celestina, por atingi la favorojn de sia amatino. Dum la geamantoj plenumas sian deziron, la servistoj same faras, dum ili kun Celestina kverelas pro la monakiro.
Averto: Malkaŝado de la intrigo de la rakonto ĉi tie finiĝas.
Geaktoraro kaj roluloj
- Penélope Cruz kiel Melibea
- Terele Pávez kiel Celestina
- Juan Diego Botto kiel Calisto
- Maribel Verdú kiel Areusa
- Jordi Molla kiel servisto Pármeno
- Nancho Novo kiel servisto Sempronio
- Nathalie Seseña kiel Lucrecia
- Carlos Fuentes kiel Sosia
- Candela Peña kiel Elicia
- Anna Lizarán kiel Alisa
- Lluís Homar kiel Pleberio
Referencoj
