En la loknomo Kapuvár vár signifas fortikaĵo aŭ burgo. Ne hazarde la unua mencio pri la fortikaĵo okazis en 1162. Dum la sekvaj jarcentoj ĝi apartenis al magnataj familioj Kanizsai, Nádasdy. Pro proksimiĝo de la turkoj la burgo estis fortigita, tamen ili okupis ĝin depost okupo de Győr (1594). Post 4 jaroj ĝi estis reokupita. En 1681 familio Esterházy ricevis la fortikaĵon kaj post 2 jaroj la turkoj jam ne povis okupi ĝin. En 1705János Bottyán (generalo) okupis ĝin, sed en 1709 ĝi estis detruita. Tiam finiĝis la burga erao. Esterházy el la ruinoj konstruis pli malgrandan kastelon. En 1843 pro incendio la tegmento bruldetruiĝis, sed okazis ankaŭ la necesaj renovigaj laboroj. En 1864barono Berg ekluis la kastelon kaj faris signifajn trakonstruojn, ankaŭ moda parko estis kreita. Depost la 2-a mondmilito la kastelo ŝtatiĝis (kiuj ĉiuj hungaraj kasteloj), komence ĝi estis kunvenejo, aranĝejo, en kelkaj ĉambroj loĝejoj. Inter 1957-1960 renovigaj laboroj okazis, sed tiam plejparto de la baroko malaperis. Nuntempe en la kastelo funkcias la urbodomo kaj historia-etnografia muzeo.
Urbodomo en Kapuvár
Konstruaĵo
La unuetaĝa barokakonstruaĵo situas en mezo de la urbo. La kastelo formas majusklon I, la fasado estas simetria. La meza kaj la angula partoj iom reliefas. Interne el la baroka stilo restis nenio.
Parko
La parko estas nun kvazaŭ ĝardeno. La origina parko estis distranĉita pro konstruo de la apuda ĉefvojo en 1941. Dum la frua socialismo oni dishakis iom da arboj.
.jpg)
