Golfo de Narragansett
golfeto [+]
Akvejo	Atlantiko
Koordinatoj	41° 36′ 0″ N, 71° 21′ 0″ U (mapo)41.6-71.35Koordinatoj: 41° 36′ 0″ N, 71° 21′ 0″ U (mapo)
DEC
Golfo de Narragansett
Vikimedia Komunejo:  Narragansett Bay [+]
v • d • r

La Golfo de Narragansett estas golfo de la Atlantiko. Ĝia bordo preskaŭ tute apartenas al la usona subŝtato Rod-Insulo. Nord-oriente ĝia sub-golfo Mt Hope Bay iom etendiĝas en la areon de Masaĉuseco. Ĝia centro situas ĉe 41° 36′ N 71° 21′ U / 41.600 °N, 71.350 °U / 41.600; -71.350 (mapo).

La golfo, kies buŝo estas je la suda flanko, havas areon de ĉ. 380 km²; en ĝi situas pli ol 30 insuloj. La plej grandaj estas Aquidneck Island, Conanicut Island kaj Prudence Island; ili estas loĝataj kaj apartenas al kantono Newport.

La nomo de la golfo estas tiu de indiana tribo.

Providence ĉe la norda pinto de la golfo havas gravan havenon, kiu povas akcepti laŭbordajn kaj interkontinentajn varŝipojn. Plia varhaveno estas tiu de Fall River. Ankaŭ la haveno de Newport sur insulo Aquidneck estas grava, sed ĝi servas pli por fiŝkaptado kaj plezurboatoj ol por vara trafiko.

La golfo havas tri grandajn enirejojn, dividitajn de la insuloj Aquidneck kaj Conanicut. Sur tri pontoj inter la firma tero kaj la du insuloj eblas transiri la golfon (ŝtata vojo 138).

Sur duoninsulo de la okcidenta bordo de la golfo situas la flughaveno Quonset State Airport, mikse civila-armea. Pliaj flughavenoj estas en Warwick kaj en Newport.

Ĉe la bordo kaj sur la insuloj de la golfo situas:

• Warwick
• Providence
• Fall River
• Tiverton
• Newport