La flago, originale uzita de la Fronto Polisario, konsistas el la koloroj nigra, verda, blanka kaj ruĝa. La tuta dizajno de la flago estas simila al flago de Palestino, sed tio ne estis intencita. Tiu flago, inter multaj aliaj, estis derivita de la koloroj uzitaj en la Araba Ribelo. La stelo kaj duonluno estas gravaj simboloj de islamo kaj povas esti vidataj sur flagoj de aliaj islamaj landoj, kiel ekzemple en la flago de Pakistano.
Kiam - aŭ se iam - okazos la sendependeco per referendumo kaj la teritorio estos internacie agnoskita, la verdo iros supren kaj la nigro iros malsupren.
