La Fővám tér estas moderna metrostacio en Budapeŝto. La nomo venis de la samnoma Fővám tér (placo Fővám) (=Ĉefdoganejo), ĉar iam tie etendiĝis la ĉefdoganejo. Tiu stacio estas la lasta en urboparto Pest (urbo), la sekva post la Danubo estas en Buda.
Peroneto inter la rulŝtuparoj
Historio
Konstruado de la 4-a metrolinio okazis inter 2006–2013 kune kun interrompoj pro politikaĵoj. Tiu stacio estis preta en 2013. Samtempe oni konstruis subirejon.
En tiu ĉi metrolinio dekomence vagonoj de Alstom trafikas.
Priskribo de la stacio
La metrostacio estas atingebla tra la menciita subirejo. Vitraj tuboj kun speguloj donas naturajn lumojn al la stacio. El/al la subirejo 4 rulŝtuparoj liveras la pasaĝerojn, poste estas interrompo (peroneto), fine denove 4 rulŝtuparoj sekvas. Por handikapuloj 2 liftoj funkcias. La trakoj troviĝas en profundo 30 m. Apud la trakoj la peronoj longas 87 m.
