Ĝia municipa teritorio estas en la sudo de la komarko Ribagorza, sur la baseno de la rivero Guart, alfluanto de la rivero Noguera Ribagorzana. Ĝi limas norde kaj okcidente kun Benabarre kaj oriente kun Viacamp y Litera ene de la komarko. Oni parolas variaĵojn de la kataluna. Aktuale la municipo estas formita per la jenaj loĝlokoj:
Caserras del Castillo
Estopiñán (municipa ĉefurbo)
Saganta
Soriana
La klimato estas malvarma, nome montara.
La loĝloko Estopiñán del Castillo mem kiel sidejo de la municipo (780 msm)[2] estas je 110 km oriente de Huesca. Estopiñán del Castillo estas komunikata oriente kun la provinco Ilerdo, sed sen ŝosea konekto, kaj laŭ la ŝoseo N-230 kun Benabarre norde kaj kun la valo de la rivero Isábena oriente kaj kun Castillonroy sude.
Historio
Ermitejo de Sankta Mikaelo.
Estopiñán estis konkerita el Ramón Berenguer la 1-a, grafo de Barcelono.[3]
Caserras aperis menciita en 1495.
Komence de la 19-a jarcento la tuta komarko estis damaĝita pro la franca invado.
Dum la Hispana Enlanda Milito la loĝloko suferis pro operacoj kadre de la atakoj de la respublikanoj klopode al konkero de la provinca ĉefurbo Ŭesko kaj fina kontraŭatako de frankistoj kiu rezultis en homamasa fuĝado de respublikanoj kaj de militrifuĝintoj en direkto al Francio.
Multaj loĝlokoj de la areo perdis loĝantaron laŭlonge de la 20-a jarcento pro rura elmigrado, kaj same ĉe Estopiñán del Castillo kie oni malaltiĝis ĝis nunaj 1 175 loĝantoj (2022).[4]
Aktualo
La loka ekonomio evoluis el la tradiciaj agrikulturo kaj forstado kaj ĉefe brutobredado (ŝafoj, kaj ĉefe bovoj) al natura, sporta, kultura, montara kaj rura turismo ĉefe rilate al la montaro. La kreskanta montarturismo helpis en la areo la konstruadon de hoteloj, vendejoj kaj rilataj instalaĵoj.
↑ Laŭ Decreto Legislativo 2/2006, de 27 de diciembre, del Gobierno de Aragón, por el que se aprueba el texto refundido de la Ley de Delimitación Comarcal de Aragón
