"Elle" (Ŝi) estas franca semajna virina magazino fondita en 1945 fare de Hélène Lazareff kaj Marcelle Auclair. Ĝi estas eldonaĵo de la firmao Hachette Filipacchi Médias (Grupo Lagardère).

• La unua numero de Elle estis publikigita la 21-a de novembro 1945. Françoise Giroud prizorgis la direktadon kiel ĉefredaktorino ĝis 1953.
• En la numero de la 5a de Majo 2003 de la franca eldono de Elle, Béart, estante 39-jaraĝa, aperis nuda:^[1] La tuta eldono de 550 000 ekzempleroj forvendiĝis en nur tri tagoj, kio faras ĝin la plej kvante vendita numero en la historio de la moda klaĉgazetaro.^[2]
• En 2006, Elle aperis tutmonde en 37 eldonoj kun pli ol 20 milionoj da legantinoj.
• La magazino havis kiel ĉefredaktoron Jean-Dominique Bauby kiu estis trafita de la malofta neŭrologia malsano "locked-in syndrome" (sindromo de enfermiteco). Pri tiu aparta kaj tragika sperto li atestis en sia libro Le Scaphandre et le papillon (La skafandro kaj la papiljono) pri kiu aperis kina adaptaĵo de Julian Schnabel en 2007).
• Dum dudek jaroj, Elle havis Peter Knapp kiel artan direktoron.
• La humuristo Alexandre Vialatte aperigis, dum li vivis, kronikon: Le Paris des Parisiennes (La Parizo de la Parizaninoj).

La eldonkvanto de Elle estas 435 040 ekzempleroj en Francio. La kontraŭpaga vendo atingis 358 428 ekzemplerojn dum la periodo 2005-2006. Ĝi kreskis depost 2002, kaj tio malgraŭ forta konkurenco flanke de la virina gazetaro. La nombro de abonantinoj proksimiĝas al 172 738.

• france Oficiala retejo de la franca eldono