Huehuetenango estas la nomo de departemento de Gvatemalo (kaj de samnomaj municipo kaj de la departementa ĉefurbo). La departemento situas en la nordokcidento de la lando kaj havas limojn norde kaj okcidente kun Meksiko, sude kun la departementoj San Marcos, Ketzaltenango kaj Totonikapano; kaj oriente kun la departemento Kiĉeo.
Laŭ la stato de 2018 en la departemento vivis 1 170 669 loĝantoj sur areo de 7 403 kvadrataj kilometroj, kio rezultigas loĝdenson de 158 loĝantoj/km². Ĝia samnoma ĉefurbo Huehuetenango troviĝas je 264 km de la landa ĉefurbo je 1.901,64 m alte.
