Cooktown [KUKtaŭn] estas urbo kaj municipo en Shire of Cook, Kvinslando, Aŭstralio.[1][2] Cooktown estas ĉirkaŭ 2,000 kilometrojn norde de Brisbano kaj 328 kilometrojn norde de Cairns, laŭ ŝoseo. Laŭ la censo de 2016, Cooktown havis 2,631 loĝantojn.[3]
Cooktown estas ĉe la elfluejo de la rivero Endeavour, sur la Kabjorka Duoninsulo en Fornorda Kvinslando, kie James Cook alstrandis sian ŝipon, nome Endeavour, por riparado en 1770. Kaj la urbo kaj la monto Cook (431 metroj) kiu staras ĉe la urbo estis nomitaj laŭ James Cook.[4][5][6]
Cooktown estas unu el malmultaj grandaj urboj en la Kabjorka Duoninsulo kaj estis fondita la 25an de Oktobro 1873 kiel livereja haveno por la orserĉejoj de la rivero Palmer.[7][8] Ĝi estis nomita "Cook's Town" ĝis 1a de Junio 1874.[9]
Holthouse, Hector (1967). River of Gold: The Wild Days of the Palmer River Gold Rush. Angus&Robertson. Reprint 2002. HarperCollinsPublishers, Australia. ISBN 0-207-18778-9;
Pike, Glenville (1979). Queen of the North: A Pictorial History of Cooktown and Cape York Peninsula. G. Pike. ISBN 0-9598960-5-8.
