Cirujales del Río [ziruĤAles delRIo] estas municipo de Hispanio, en la regiono Kastilio kaj Leono, en la provinco Sorio kaj en la komarko Campo de Gómara en la oriento de la provinco, foje atribuita al la subkomarko Almarza.
La loknomo Cirujales del Río estas eble etimologie komprenebla kiel Prunujarbaro de la Rivero (el la vorto ciruelo, 'prunarbo').
Ĝia municipa teritorio okupas totalan areon de 8,76 km² kaj laŭ la demografia informo de la municipa censo fare de la INE en 2021, ĝi havis 20 loĝantojn. Ĝi perdis loĝantojn dum la 20-a jarcento pro migrado al urbaj areoj, kiel ja okazis en multaj loĝlokoj de la regiono, fakte perdis preskaŭ 140 loĝantojn el la 1950-aj jaroj.
Ĝi distas 22 km de Sorio, provinca ĉefurbo. Ĝi estas inter Aldealseñor (norde) kaj Almajano (sude).
Historio
La areo apartenis unue al la Regno Kastilio. En Mezepoko okazis reloĝado fine de la 10-a jarcento.
En la Censo de Pecheros de 1528 oni registris 29 pecheros, tio estas impostopagantaj familioj. En la origina dokumento ĝi estis literumita kiel Cerujales,[1] formante parton de la Sexmo de San Juan.
Aktualo
Tradiciaj enspezofontoj estis agrikulturo (cerealoj) kaj transmigra brutobredado (ŝafoj kaj bovoj). Lastatempe funkciado de servoj plej ekgravis, kune kun kultura kaj rura turismo, piedirado tra naturaj lokoj. Inter vidindaĵoj estas la preĝejo, tradicia arkitekturo kaj tiel plu.
_Mapa.svg)
_Mapa.svg)