Chapala estas unu el la 126 komunumoj de la meksikasubŝtatoĤalisko. La ĉefurbo de la komunumo same nomiĝas Chapala. La ŝlosilnumero de la komunumo laŭ la INEGI, do laŭ la nacia geografia instituto estas 14 030.
Geografio
Chapala apartenas al la regiono Ciénega kiu situas en la centra parto de la subŝtato Ĥalisko. Multaj komunumoj en tiu regiono sude limtuŝas Ĉapalaan Lagon aŭ la meksikan subŝtaton Miĉoakano. Al la regiono Ciénaga apartenas entute 13 komunumoj. La komunumo havis en 2005 (lasta popolnombrado de la INEGI) 43345 loĝantojn. El tiuj estis 21077 viroj kaj 22268 virinoj. La komunumo havas surfacon de 385,58 km². La meza alteco estas 1530 metroj super la marnivelo. La meza jara temperaturo estas 19,9 C. En la komunumo estas 810,9 mm da pluvo jare.
Situo de la koncerna regiono en la subŝtato Ĥalisko.Rigardo al Chapala
Sociogeografio
En la jaro 1995 (laŭ INEGI) en la komunumo vivis 12531 viroj pli aĝaj ol 15 jaroj. El tiuj 11631 scipovis legi kaj skribi kaj 894 viroj estis analfabetoj. Do 7.13 % de la viroj estis analfabetoj. En la sama jaro en la komunumo vivis 13579 virinoj pli aĝaj ol 15 jaroj. El tiuj 12537 sciis legi kaj skribi kaj 1029 virinoj estis analfabetoj. Do 7,58 % de la virinoj estis analfabetoj. En 1995 en Chapala vivis 35545 personoj kiuj aĝis pli ol 5 jaroj. El tiuj estis 47 indiĝenoj. Tio signifas ke 0,132 % de la loĝantaro en la koncerna jaro estis indiĝenoj.
Fontoj: Statistikoj de la INEGI: Conteo de Población y Vivienda 2005 k. a., (hispane: popol- kaj loĝejnombrado).
