Castrejón de la Peña [kastreĤON delaPEnja] estas municipo en la nordo de la provinco Palencio, en la regiono Kastilio-Leono, Hispanio. Ĝi apartenas al la komarko Montaña Palentina. La loknomo Castrejón de la Peña estas komprenebla etimologie kiel Fortikaĵeto de la Roko.
Geografio
Preĝejo de Castrejón.Boedo de Castrejón 001.JPG.Preĝejo de Pisón de Castrejón.Traspeña de la Peña.
Ĝia municipa teritorio okupas totalan areon de 106,40 km² kaj laŭ la demografia informo de la municipa censo fare de la INE en 2021, ĝi havis 346 loĝantojn. Ĝi perdis loĝantojn dum la 20-a jarcento pro migrado al urbaj areoj, kiel ja okazis en multaj loĝlokoj de la regiono, fakte ĉirkaŭ 1 100 el la 1900-aj jaroj. Ĝi distas 110 km de Palencio, provinca ĉefurbo.
La municipa teritorio enhavas ankaŭ la jenajn loĝlokojn:
Boedo de Castrejón
Cantoral de la Peña
Cubillo de Castrejón
Loma de Castrejón
Pisón de Castrejón
Recueva de la Peña
Roscales de la Peña
Traspeña de la Peña
Villanueva de la Peña
Historio
La areo apartenis unue al la Regno Kastilio. En Mezepoko okazis reloĝado.
La ekonomia kaj demografia disvolvigo de la zono estis helpita de la fervojo de La Robla komence de la 20-a jarcento, rilate al karbominado. Iniciatita ĉirkaŭ 1900, la minagado de Castrejón floris ĉirkaŭ 1950. Poste pli kaj pli dekandecis.
Aktualo
Tradiciaj enspezofontoj estis minado, agrikulturo (cerealoj kaj vitejoj) kaj brutobredado (ŝafoj). Lastatempe funkciado de servoj plej ekgravis, kune kun piedirado tra naturaj lokoj. De la historia pasinteco restis diversaj vizitindaj vidindaĵoj kiel la industriaj instalaĵoj (industria arkeologio), gotik-renesanca preĝejo en Castrejón, aliaj preĝejoj kaj la ermitejoj. Estas Abelbredada Muzeo por diskonigi didaktike la mondon de la mielabeloj.
