Casas de Don Pedro (Domoj de Sinjoro Petro) estas municipo de Hispanio, en la provinco de Badajoz, regiono de Ekstremaduro.
La loĝantoj nomiĝas casareños. La censita populacio en 2008 estis de 1.656 loĝantoj.
Situo
Casas de Don Pedro estas situa en la centrorienta parto de Ekstremaduro, je altitudo de 386 m; je 160 km de Badajoz, provinca ĉefurbo. La surfaco de ties teritorio estas de 142,7 km².
Historio
Kvankam ne estas dokumentoj, pro la blazonoj skulptitaj en kelkaj antikvaj domoj oni supozas ke ĉirkaŭ la 13a jarcento tiu vilaĝo estis jam konkerita al la araboj kaj donita al la Ordeno de Alcántara. Alia restaĵoj ligas la lokon al Trujillo. Tamen plej antikvaj restaĵoj estis jam de la epoko de la Romia Imperio. Kvankam la legendoj ligas la vilaĝon al la reĝo Pedro la 1-a de Kastilio fakte la nomo estis de almenaŭ antaŭ duonjarcento. Tiu reĝo amindumis kun virinoj kiuj loĝis tie. Dum la venontaj jarcentoj la vivo de la vilaĝo multe rilatis kun nobeluloj kaj tie estas multaj nobelaj domoj.
Dum la Hispana Enlanda Milito Casas de Don Pedro restis en la respublika flanko dum plej parto de la milito, kiel la orienta parto de la provinco.
