Caravaggio (esperantigebla kiel Karavaĝo; ankaŭ konata kiel Careàs, laŭ la loka bergama dialekto de la lombarda lingvo) estas komunumo de Italio kun 15.600 loĝantoj, lokita en la provinco Bergamo, en la okcidenta bergama ebenaĵo. Ĝia teritorio ankaŭ inkludas du subvilaĝojn, Masano kaj Vidalengo, kaj plurajn etajn kamparajn establiĝojn.
La urba teritorio estas ebenforma, kaj komprenas plurajn naturajn akvofontojn. Ĝia formo longiĝas laŭ la direkto nordo-sudo, kaj la pleja distanco interne de la teritorio estas 11 km. La alteco super la mara nivelo varias ekde 92 m (ĉe la sud-orienta limo) ĝis 123 m (ĉe la nord-okcidenta limo).
La agrara surfaco konsistas el ĉirkaŭ 84% el la tuta komunuma teritorio; la restanta parto reprezentas la industrian kaj rezidan surfacon.
La komunuma ĉefurbo distancas 7 km de najbara Treviglio, 24 km de Bergamo (la provinca ĉefurbo), 39 km de Milano, 52 km de Breŝo, 60 km de Kremono.
_aerial_view.jpg)
