Caminreal [kaminreAL] estas vilaĝo kaj municipo de la provinco Teruelo (nordorienta Hispanio), nome en la nordokcidenta komarko Jiloca [ĥiLOka], kies komarka ĉefurbo estas Calamocha. La loknomo Caminreal estas etimologie komprenebla kiel "Reĝa Vojo" alude al krucejo inter iamaj vojoj kiuj nun estas la aŭtoŝoseo A-23 kaj la nacia ŝoseo N-234 de nordo suden kaj la N-211 inter Torralba de los Sisones okcidente kaj Bañón oriente.
Geografio
Ĝi estas je 67 km de Teruelo, provinca ĉefurbo. Krom la ĉefa urbokerno Caminreal estas submunicipo Villalba de los Morales. La urba kerno staras je 920 m super marnivelo.
Ĝi estas atingebla ĉefa laŭ la aŭtoŝoseo A-23 kaj la nacia ŝoseo N-234, sude de Calamocha kaj Fuentes Claras kaj nur iomete norde de Torrijo del Campo kaj Monreal del Campo.
Historio
La zono venis al posedo de kristanoj post la venko de Alfonso la 1-a la Batalema, sed tiu loĝloko estis de malfrua kreado. Jam ekzistis en la 13-a jarcento, sed la preĝejoj estis konstruitaj en la 18-a jarcento.
Preskaŭ ĉiuj loĝlokoj de la areo perdis loĝantaron laŭlonge de la 20-a jarcento kaj same en Caminreal oni malsupreniris en pli ol milo da loĝantoj el la mezo de la jarcento ĝis nunaj 600.
Aktualo
Bazo de ekonomio estis agrikulturo (cerealoj, betoj), forstado, kaj brutobredado. Nune rura turismo.
Estas altiraĵoj en la urbo, nome la preĝejo, ermitejoj, arkeologia kuŝejo, trajnstacio, piedirado tra proksimaj naturaj lokoj ktp.
Vidu ankaŭ
Notoj
Eksteraj ligiloj
