Bad König
DEC
banloko • urbeto • urba komunumo de Germanio
Ĝemelurboj Argentat vd
Administrado
Federacia lando	Hesio
Distriktaro	Distriktaro Darmstadt
Distrikto	Distrikto Odenwald
Urborajtoj	jes
Telefona antaŭkodo	06063
Poŝtkodo	64732
Aŭtomobila kodo	ERB
Oficiala Municipokodo	06437001
Politiko
Komunumestro	Uwe Veit
Adreso de la administrejo	Schloßplatz 3 64732 Bad König
Demografio
Loĝantaro	9951 (stato 2022-12-31) [fonto: landa statistika oficejo]
Geografio
Geografia situo	49° 44′ N, 9° 0′ O (mapo)49.741259.0070833333333Koordinatoj: 49° 44′ N, 9° 0′ O (mapo)
Alto super la marnivelo	400 m
Areo	46,73 km²
Oficiala retejo	https://www.badkoenig.de/
v • d • r

Bad König estas banloka urbo en centra Germanio. Ĝi situas en la distrikto Odenwald, kiu havas sian nomon de la mezalta montaro Odenvaldo, en la federacia lando Hesio. Fine de la jaro 2022 la komunumo havis 9951 loĝantojn sur areo de 46,73 kvadrataj kilometroj, kio rezultigas loĝdenson de 211 loĝantoj/km².

La urbo disponas pri terma banejo kaj vasta kuracurba parko. La kunvenejo Kurhaus gastigas koncertojn kaj kongresojn, en subĉiela teatrejo somere sursceniĝas pliaj kulturaj eventoj. Apud la historia urba kastelo troviĝas interalie modesta memorejo pri la polusa esploristo Carl Weyprecht, kiu naskiĝis en la urbeto kaj laboris precipe en Vieno.

Al la urba teritorio krom la kerna urbo apartenas la partoj

• Zell,
• Momart,
• Etzen-Gesäß,
• Fürstengrund,
• Kimbach,
• Nieder-Kinzig kaj
• Ober-Kinzig kun la vilaĝeto Gumpersberg.

Bad König havas partnerajn rilatojn kun la urbo Argentat sur Dordogne en Francio.

Dum 2005 la Germana Esperanto-Kongreso okazis en la urbo. La esperantisto Andreas Emmerich, gvidanto de la distrikta Esperanto-klubo kaj de 2001 ĝis 2007 prezidanto de Germana Esperanto-Asocio (GEA), poste vicprezidanto, loĝas en la komunumo Brombachtal en distanco de nur 6 kilometroj sudokcidente, kaj inter la jaroj 2002 kaj 2007 la esperantistoj Thomas Pusch kaj Remi Rudaitytė loĝis en Höchst im Odenwald en distanco de nur 8 kilometroj norde - tie cetere en 1992/1993 okazis la 9-a Internacia Festivalo.

• paĝo de la urbo (germane)
• paĝo de la Esperanto-Klubo Odenwald, arkivigita en januaro 2014 (germane)

v • d • r urbaj kaj neurbaj komunumoj en la distrikto Odenwald Bad König | Brensbach | Breuberg | Brombachtal | Erbach | Fränkisch-Crumbach | Höchst im Odenwald | Lützelbach | Michelstadt | Mossautal | Oberzent (Beerfelden, Hesseneck, Rothenberg kaj Sensbachtal)  | Reichelsheim (Odenwald)