Aristobulo, science konata kiel Aristobulo la 4-a, (naskiĝis en la 30-aj jaroj a.K. - mortis 7 a.K.) estis membro de la heroda dinastio kaj posteulo de la makabea dinastio. Lia gepatroj estis Herodo la Granda kaj Mariamne la Hasmoneo. Iliaj aliaj infanoj estis Aleksandro, Salampsio kaj Cipro. Li fame estis mortigita laŭ ordone de Herodo, pro la instigado de Antipater la 3-a.
La infanoj de Aristobulo estis Mariamne, Herodo de Ĥalkis, Herodias, Herodo Agripo la 1-a kaj Aristobulo la juna.
Edukado en Roma
Herodo la Granda ordonis la ekzekuton de Mariamne en 29 a.K. Li antaŭe maltraktis ŝin: ekzemple, laŭ Jozefo li dufojojn donis instrukciojn al iu por mortigi ŝin, se li ne revenus, kiam li iros al roma estro. Mariamne sciiĝis pri almenaŭ unu de tiuj planoj.[1]
Aristobulo kaj Aleksandro estis sendataj de Herodo la Granda al Romo por sia eduko. En 18 aŭ 17 a.K. Herodo revenigis ilin[2].
Sed Salome kaj Antipater la 3-a provis igi Herodon malami la du hasmoneidojn, post iu tempo sukcese. Imperiestro Aŭgusto sukcesis paciligi ilin, sed la sukceso ne daŭris. Fine Herodo ekzekutis Aleksandron kaj Aristobulon en 7 a.K[3].
Herodo sekve mortigis Antipater en 4 a.K., kvin tagojn antaŭ sia propra morto, pro ribelo[3].
Referencoj
- ↑ Peter Schäfer, The History of the Jews in the Greco-Roman World, 2003, 94.
- ↑ Peter Schäfer, The History of the Jews in the Greco-Roman World, 2003, 95, 96.
- ↑ 3,0 3,1 Peter Schäfer, The History of the Jews in the Greco-Roman World, 2003, 96.
