Anantapuramu (telugueఅనంతపురం), historie ankaŭ Anantapuramu, estas urbego en Barato, en subŝtatoAndra-Pradeŝo, en la samnoma distrikto Anantapur, kie ĝi estas distrikta sidejo.
Placo en Anantapuramu
Demografio
Laŭ la stato de 2011 en la urbo vivis 267 161 loĝantoj sur areo de 56,98 kvadrataj kilometroj, kio rezultigas loĝdenson de 4 689 loĝantoj/km². La legopovo estas 82%.
Anantapuramu estas grava edukcentro de la distrikto kiu havas multajn lernejojn, altlernejojn, institutojn kaj universitatojn.
Lingvoj
La telugua estas la oficiala kaj vaste parolata lingvo, aldone al ĝi la urdua, la hinda, la kannada kaj tamila lingvoj ankaŭ estas parolitaj fare de signifaj malplimultoj.
Klimato
Anantapuramu situas en semi-arida klimato kun musono kaj la loko apartenas al la plej sekaj areoj en suda Barato. La meza jara pluvo estas 577 mm. Inter aŭgusto-oktobro pli ofte pluvas, inter decembro-februaro apenaŭ pluvas. La averaĝa jara temperaturo estas 34 °C.
Trafiko
Anantapuramu havas trairan fervojan linion kaj vojojn el ĉiuj direktoj. La plej proksima internacia flughaveno estas ĉe Bengaluro.
