Alesón [aleSON] estas vilaĝo kaj municipo de Rioĥo (norda Hispanio), nome en la nordokcidenta Komarko de Nájera kaj precize en la nordokcidento de la regiono.
La municipa teritorio de Alesón, en la nordokcidento de la regiono.
Geografio
Ĝi estas loĝloko kun komunikvojo laŭ la regiona ŝoseo LR-120 al Nájera tute apude okcidente kaj sude al Manjarrés kaj Santa Coloma. Ĝi estas je 575 metroj super marnivelo.
Historio
La plej fruaj dokumentaj mencioj datas de donacoj la 11-a jarcento. En tiu epoko la areo apartenis al la Regno Navaro.
En la 1960-aj jaroj la elmigrado iris al enlandaj centroj, unue al Bilbao, Barcelono kaj Madrido, kaj en la 1970-aj jaroj al Logroño. El la 1940-aj jaroj oni malaltiĝis el 271 loĝantoj ĝis la nunaj 92. Proksimeco al la komarka ĉefurbo kaj al la aŭtoŝoseo A-12 (orient-okcidente) helpis reteni loĝantaron.
Aktualo
La bazo de la ekonomio estas agrikulturo, kaj ĉefe vinproduktado, sekvita de tritiko kaj hordeo, krom la fruktoĝardenoj.
La loĝantaro estas tre maljuniĝinta. Vizitindaĵoj estas la preĝejo kaj la ermitejo, blazondomo, natua pejzaĝo ktp.
.svg)
.svg)
_-_Municipality_Map.svg)
