Alcibiades GONZÁLEZ MEANA (naskiĝis je la 10-a de januaro 1917 - mortis la 10-an de decembro 2000 en Oviedo) estis hispana aktivulo de la Esperanto-movado en Asturio ekde la jaroj 50-aj.
Komence de 1953, Alcibiades kun lia frato Adonis fondis en El Entrego (Langreo, Asturio) E-rondon nomatan La Verda kolombejo, kiu fariĝis la lulilo de la asturia movado, precipe post ilia translokiĝo al Ĥiĥono.
Li estis iama delegito de UEA, sekretario de la 16-a Hispana Esperanto-Kongreso en Ĥiĥono (1955), kaj diversloke verkis pri literaturaj temoj.
