27 horas (27 horoj) estas hispana filmo de 1986 reĝisorita de Montxo Armendáriz kun ĉefroluloj Martxelo Rubio kaj Maribel Verdú, kun la partopreno de juna Antonio Banderas.
Oni filmis ĝin en Donostio. Ĝin oni montris en Zinemaldia kaj estis premierita la 23an de septembro 1986. Ĝi ricevis la Arĝentan Konkon en la Donostia Internacia Filmfestivalo.
Intrigo
Averto: La teksto, kiu sekvas, malkaŝas detalojn pri la intrigo de la rakonto.
Eŭska marborda urbo en la 1980-aj jaroj. La filmo sekvas la malfacilan vivon de du gejunuloj, kiuj estas drogmaniuloj. La junulino (Maite, Maribel Verdú) suferas drogokrizon kaj estas enhospitaligita, kaj Patxi, amiko de la junulo Jon (Martxelo Rubio) klopodas konvinki tiun por ke li forlasu la drogon kaj revenu al mezlernejo. Tamen Jon tute ne pretas je tio, kaj Rafa (Antonio Banderas) instigas en la mala direkto. Finfine Maite mortas. Jon suferas drog-mankan sindromon kaj la amiko Patxi dubas ĉu devigi lin drogoĉesadon aŭ helpi lin trovi drogon por eviti lian mankosuferon.
Averto: Malkaŝado de la intrigo de la rakonto ĉi tie finiĝas.
- En tiu ĉi artikolo estas uzita traduko de teksto el la artikolo 27 horas en la hispana Vikipedio.
