En 2011 Ĝansi havis 505,693 da loĝantoj. Ĉirkaŭ 1940 Ĝansi atingis la internacian kvalifikon urbego (pli granda, ol cent mil) kaj ĉirkaŭ 2010 metropolo (pli granda, ol kvin cent mil).
Historio
Ĝansi estas historia urbo havanta brikan fortikaĵon ekde la frua 17-a jarcento. La origina urbo kreskis ĉirkaŭ sia fortikaĵo, kiu kronas la najbaran rokon. Ĝansi estis ĉefurbo de princlando, sed ĝi estis aneksita fare de britoj en 1854.
Ekonomio
La grundo estas taŭga por kultivi citrusfruktojn, tritikojn, pizojn. La regiono dependas de musono. La registaro konstruis reton el kanaloj por irigacio. La komerco de agrikulturaj produktoj estas grava. Ĝansi ankaŭ estas centro de latunvarfabrikado.
Religio
La ĉefa religio en Ĝansi estas hinduismo (81.10%), poste islamo (16.51%) kaj aliaj.
En Ĝansi averaĝe pluvas jare po 891 mm. La temperaturo varias averaĝe inter 18-33 gradoj, sed foje oni mezuras rekordojn super 40 gradoj.
Trafiko
Ĝansi estas bone ligita al ĉiuj aliaj gravaj urboj en Utar-Pradeŝo de voje kaj fervoje. La stacidomo estis konstruita fare de la britoj en la malfruaj 1880-aj jaroj. Loke estas armea flughaveno konstruita en la brita epoko, nun uzita de la hinda armeo kaj politikaj vizitantoj. En Gvalior estas la plej proksima civila flughaveno.
